Школа забяспечвае атрыманне пачатковай адукацыі. Атрыманне адукацыі на I ступені суправаджаецца бягучай, прамежкавай і завяршаецца выніковай атэстацыяй па прадметах.
Навучанне ў школе ажыццяўляецца на беларускай мове. Вывучэнне беларускай, рускай і адной замежнай мовы (нямецкай) у школе з'яўляецца абавязковым.
Арганізацыя адукацыйнага працэсу ў школе ажыццяўляецца ў адпаведнасці з адукацыйнымі стандартамі, а таксама тыпавым вучэбным планам і вучэбнымі праграмамі, распрацаванымі і зацверджанымі Міністэрствам адукацыі Рэспублікі Беларусь. Штогод на аснове тыпавога вучэбнага плана, зацверджанага Міністэрствам адукацыі Рэспублікі Беларусь, школа распрацоўвае ўласны план, які зацвярджаецца дырэктарам і па ўзгадненні з аддзелам адукацыі.
Адукацыйны працэс арганізуецца ў рэжыме шасцідзённага школьнага тыдня, які ўключае пяцідзённы навучальны тыдзень і адзін дзень тыдня для правядзення з навучэнцамі спартыўна-масавых, фізкультурна-аздараўленчых, іншых выхаваўчых мерапрыемстваў.
